Шминкајте ги очите според пригодатаОчите се најважниот, но и најкомплицираниот дел за шминкање.
Правилно и соодветно нашминканите очи се доказ за вашата умешност во
средувањето. Никогаш не излегувајте нашминкана, ако тоа не сте го
сториле добро.
Шминкајте се како професионалец и според пригодата. Навечер е
дозволено повеќе да експериментирате и да користите потешка шминка.
Преку ден е доволно само да ги истакнете трепките.
Доколку ги почитувате неколкуте основни правила, секогаш ќе бидете
поинаква бидејќи постојат многу начини како да ги истакнете очите.
Шминкајте се во зависност од тоа дали сакате да изгледате свежо,
природно, секси, гламурозно. Еве како да го постигнете тоа:
Креирање софистициран изглед. Нанесете светла сенка на целата површина од очниот капак.
Дефинирајте ја линијата на окото со тоа што ќе нанесете темна сенка по
должината на трепките. Колку потемна сенка, тоа подобро бидејќи на тој
начин ќе постигнете драматичен изглед. За да го отворите и да добиете
свеж изглед, ставете светла сенка на крајот од окото и малку закосете.
Финиширајте со маскара.
Екстра-совет: кога правите избор на сенките, имајте
на ум дека пастелните сенки се потопли и нежни, а темната сенка изгледа
многу подраматично.
Креирање елегантен изглед.За да создадете елегантен и вечерен изглед потребни ви се три
нијанси на сенки: светла, темна и средна. Шминкањето оди на три нивоа.
Нашминкајте една тенка линија со темната сенка веднаш над трепките.
Онаа со средна нијанса ставете ја на самиот капак, додека од светлата
ставете на самата коска под веѓата. Употребете ја четката за убаво да
го засените окото, да ги заоблите острите рабови за да добиете целина и
боите да се претопуваат една во друга.
Ставете малку светла сенка на крајот од окото и секако маскара. На
тој начин спречувате окото да има уморен изглед натрупан со сенки. За
да добиете смоки-ефект, исцртајте го окото со моливче, а на трепките
ставете малку прав од темната сенката и поминете со четка.
Креирање природен изглед.Потребно ви е кафено моливче. Со него по должината на трепките
ставете точки. Бидете внимателни точките да не се забележуваат на
капакот. За да бидете попрецизни ставајте ги помеѓу трепките. Ако
сакате уште повпечатлив изглед, потребно ви е црно моливче или туш.
Нанесете го погоре на капакот, повторно следејќи ја линијата на самото
око. За уште понежен изглед, обидете се да повлечете тенка линија што
поблиску до трепките. На крајот следува маскара. Не штедете ја, ставете
неколку слоја.
Креирање блескав изглед.Доколку сакате да имате природен, но сепак блескав изглед на очите,
употребете само маскара. Ставете еден слој на горните и на долните
трепки. Почекајте да се исуши и повторете ја постапката. Бидете
внимателни, особено кога ги поминувате крајните трепки. Ако сакате
окото да ви биде уште повпечатливо и отворено, претходно свиткајте ги
трепките со специјалниот виткач. Фатете ги трепките од коренот, но
внимавајте да не се штипнете.
Екстра-совет: за маскарата подолго да трае и да не се суши, не брцкајте во неа со четката бидејќи на тој начин внесувате воздух во тубата.