Најнови информации во врска со фудбалот...

УЕФА го откачи Реал

Дисциплинската
комисија на Европската фудбалска асоцијација го отфрли барањето на
мадридски Реал за регистрирање на двајцата нови фудбалери за настап во
Лигата на шампионите. Реал има право на жалба, која ќе би се
разгледувала во текот на следната недела.

Ова
решение е само потврда на одлука на УЕФА според која се бараше стриктно
почитување на правилата и на Кралскиот клуб му беше потенцирано дека од
двајцата фудбалери Клас Јан Хунтелар и Ласана Дијара може да регистрира
само еден.

Според правилникот на УЕФА, секој клуб пред нокаут
фазата може да пријави најмногу три нови фудбалери од кои само еден
може претходно да настапувал во некој од европските купови.

Барса во трката за Роналдо

Манчестер Јунајтед се соочува со нов предизвик околу задржувањето на Кристијано Роналдо на Олд Трафорд. Сега не станува збор за нова понуда од мадридски Реал туку во трката се вклучува Барселона.

Врската
околу вклучувањето на Барселона е кандидатот за иден претседател на
клубот, Садро Росел, кој наводно како клучен момент во кампањата за
изборите што ќе се случат во 2010 година ќе биде трансферот на
португалскиот репрезентативец на Ноу Камп.

Според некои
информации Росел веќе имал контакт со менаџерот на Португалецот, а
наскоро се очекува и средба со Кристијано Роналдо околу утврдување на
условите под кои тој би пристигнал во Барселона.

20 милиони за Аршавин

Само
неколку дена по најавата дека Арсенал е заинтересиран за трансфер на
рускиот репрезентативец, Андреј Аршавин, неговиот клуб Зенит од Санкт
Петербург, ја објави цената која треба да се плати за раскин на
договорот. Според изјавата на челниците на клубот, Арсенал ќе мора да плати 20 милиони фунти.

Аршавин
веќе неколку месеци наназад очајнички се обидува да си замине од Зенит,
но високата цена за обештетувањето го премислуваше заинтересираните
клубови.

Шеќерче напиша:

хехе златен сите постови се од тебе

Па се додека не се најде некој да ми прави друштво во темава, јас ќе бидам главниот уредник

хехе златен сите постови се од тебе

Роналдо се сели на Островот?

Според пишувањето на медиумите во Англија, постои голема можност поранешниот бразилски репрезентативец
Роналдо, зимава да пристигне на Островот. Наводно во моментов за
неговите услуги се заинтересирани дури три клуба од Премиер лигата.

Според
менаџерот на Роналдо, Фабијано Фара, освен Манчестер Сити за трансфер
на неговиот клиент се јавиле уште три клуба од Англија.

"Во
последниве неколку месеци, Роналдо тренира два пати на ден и е
максимално подготвен да се врати не теренот. Освен Манчестер Сити до
мене пристигнаа и понуди од уште три клуба и сите се од Премиер лигата.
Јас со Роналдо работам веќе седум години наназад и сметам дека за него
најдобро е својата кариера да ја заврши во Англија", изјави Фара.

И
покрај убедувањата на неговиот менаџер, дека Роналдо се наоѓа во добра
форма на неговиот последен настап се забележува дека има вишок на
килограми, но и дека по дваесет минути игра мораше да излезе од теренот.

Сити како Реал

Најскапиот
фудбалер на Манчестер Сити, Робињо, најави дека има голема желба
неговиот актуелен клуб да ја достигне славата на претходниот, Реал
Мадрид. Тој верува дека во блиска иднина ќе се реализираат желбите на
новите сопственици и во клубот ќе пристигнат уште неколку големи ѕвезди на светскиот фудбал.

"Морам
да кажам дека сум задоволен од трансферот во Манчестер Сити. Навистина
тука уживам и се надевам дека во клубот ќе останам многу долг период.
Дојдов во Манчестер Сити бидејќи верувам дека овој клуб наскоро ќе го
достигне врвот во Европа. Сметам дека може да стигне славата на еден
Реал Мадрид", изјави Робињо.

Бразилскиот фудбалер, кој во
Англија дојде за рекордни 32,5 милиони фунти очекува наскоро да му се
приклучи уште некое големо име.

"Кака е одличен фудбалер,
најдобар на светот Тој е брз, интелигентен фудбалер и мислам дека
заедно можеме многу да направиме за Сити", потенцираше Робињо.

Наводно
во текот на следното лето, газдите на Манчестер Сити подготвуваат
понуда за Кака, која Милан нема да ја одбие, а сумата е 80 милиони
фунти.

Рамос добива 1,7 милиони

Раководството
на Тотенхем се согласи на поранешниот менаџер Хуанде Рамос, како
обештетување за предвремениот раскин на договорот на му исплати сума од
1,7 милиони фунти. Иако шпанскиот стручњак беше свесен дека може да се
испазари и за поголема сума сепак тој се согласи да ја прифати понудата.

Кога
дојде на Вајт Харт Лејн, Рамос се договори за годишна плата од 3,5
милиони, а неговиот менаџер во текот на минатата недела најави дека
бара на неговиот клиент да му бидат исплатени 75 проценти од сумата што
требаше да ја добие до крајот на обврската, а тоа е две и пол години.

Сепак
Рамос, наводно презел вина за слабите резултати на клубот и на крајот
се сложил за многу помала сума од она што наводно било побарано во прв
момент.

Смената на Рамос, Тотенхем ќе го чини околу 7,5 милиони
фунти. Лондонскиот тим на Портсмут му исплати обештетување од пет
милиони за менаџерот Хари Реднап, 1,7 милиони ќе ми дадат на Рамос, а
останатите пари се за помошниците Маркос Алварез и Густаво Појет.

Во
сумата не е пресметана платата на Реднап, но за него се претпоставува
дека до крајот на сезоната нема да зема големи пари како неговиот
претходник.

Фаворитите без проблем!

Во
натпреварите од првото коло во Купот на УЕФА немаше поголеми
изненадувања. Најсериозните кандидати за трофејот успеаа да ги освојат
стартните три бода. Најнеизвесно беше во Загреб, каде за победникот се
решаваше во последните десетина минути од натпреварот.

Куп на УЕФА - Резултати 1. коло:

А група
Шалке - ПСЖ 3:1
Мабијала 12 (аг), Курањи 39, Алтинтоп 69 - Сантоме 90

Твенте - Сантандер 1:0
Денебом 6

Б група
Галатасарај - Олимпијакос 1:0
Кјуел 25

Херта - Бенфика 1:1
Пантелиќ 74 - Ди Марија 51

Ц група
Севиља - Штутгарт 2:0
Ромарик 15, Ренато 16

Партизан - Сампдорија 1:2
Дијара 34 - Бонацоли 20, Десена 55

Д група
Удинезе - Тотенхем 2:0
Ди Натале 24 (пен), Пепе 86

Динамо Загреб - НЕК Нијмеген 3:2
Манџукиќ 3, Балабан 81 - Врдољак 84 - Карлос 24 (аг), Јансен 78

Е група
Херенвен - Милан 1:3
Прањиќ 86 (пен), Инѕаги 19, 69, Гатузо 23

Брага - Портсмут 3:0
Агивар 8, Рентерија 46, Алан 87

Ф група
Жилина - Хамбургер 1:2
Рилке 68 - Петиќ 15, Олиќ 45

Астон Вила - Ајакс 2:1
Лаурсен 8, Бери 45 - Фермален 22

Г група
Копенхаген - Сент Етјен 1:3
Сантин 59 (пен) - Гомис 2, Перан 37, Паје 65

Розенборг - Бриж 0:0

Х група
ЦСКА Москва - Ла Коруња 3:0
Џагоев 9, 12, Вагнер Лов 61

Нанси - Феенорд 3:0
Жерка 47, Фере 53, Елдер 84

Бразил може да губи од секого


Една од ѕвездите во бразилската фудбалска репрезентација, Робињо, во пресрет на квалификациските натпревари за пласман во завршницата на Светскиот куп, смета дека Кариоките не се непобедливи и дека во моментов можат да загубат од било кој противник.



"Многу луѓе не се плашат од дуелот со Венецуела. Тие воопшто не ни помислуваат дека на пораз бидејќи сметаат дека таа земја нема кој знае каква фудбалска традиција. Но ни играчите сме свесни дека Бразил во моментов може да загуби од било која репрезентација.
Затоа ние фудбалерите во секој натпревар влегуваме со достоен респект за противникот", изјави Робињо на средбата со новинарите во Рио де Жанеиро.

Очигледно дека бразилските фудбалери откако се "изгореа" на пријателскиот дуел против Венецуела во јуни сега се обидуваат малку да ја спуштат топката.

Имено до дуелот во Бостон, Бразил знаеше само за победи во претходните 17 натпревари против Венецуела. Во јуни, Кариоките загубија со 2:0 и тогаш беше разнишана позицијата на селекторот Дунга.

Сепак малку посамоуверен пред дуелот в недела е дефанзивецот Маикон.

"Тоа беше натпревар на кој ама баш ништо не ни одеше од рака, тоа малку ни ја уништи самодовербата. Реално никогаш не би загубиле од Венецуела. Сега овој дуел има натпреварувачки карактер и затоа сметам дека нема да се случи изненадување", потенцираше Маикон.

Милан на чело на носителите
Пред ждрепката на групите за Купот на УЕФА што во вторник со почеток во 12 часот ќе се одржи во Нион, Европската фудбалска асоцијација го одреди распоредот на тимовите според квалитетот.




Сад 1:
Милан, Севиља, Валенсија, Бенфика, Шалке, ЦСКА Москва, Тотенхем, Хамбургер.

Сад 2:
Штутгарт, Ајакс, Олимпијакос, Ла Коруња, Бриж, Спартак Москва, ПСЖ, Херенвен.

Сад 3:
Розенборг, Удинезе, Феенорд, Брага, Славија Прага, Манчестер Сити, Галатасраја, Сампдорија.

Сад 4:
Херта, Партизан, Нанси, Портстмут, Астон Вила, Сантандер, Копенхаген, Динамо Загреб.

Сад 5:
Сент Етјен, Волфсбург, Стандард, Твенте, НЕК Нијмеген, Металист Харков, Лех, Жилина

Четириесетте учесници во Купот на УЕФА, ќе бидат поделени во осум групи по пет тима и според правилата клубови од иста земја не можат да се натпреваруваат во иста група.

Овде можете да ги напишете сите ваши новости за кои сте чуле, гледале или сте прочитале!