Пилатес, Јога, Аеробик, Фитнес...

Еве уште нешто интересно за пилатесот
барем за некои од вас ќе биде добра причина да почнете да вежбате пилатес


Подобар секс со пилатес


Пилатесот не е само несвесно повторување на движења. Суштината на пилатесот не е во тоа што правите, туку како го правите. Присуството на духот е неопходно за да постигнете добра форма.
Вежбите пилатес се нарекуваат “врвни” бидејќи ни помагаат да влеземе во своето
тело, да сфатиме како правилно да седиме, стоиме, како да се
наведнуваме и да се подигнуваме. Како правилно да ги користиме
мускулите во нашето тело. Но, тука не престанува корисното дејство на пилатесот. Пилатесот може да ви помогне да го подобрите и вашиот сексуален живот. Откако
ќе станете свесни за вашето тело и откако ќе научите да ги разликувате
мускулите на карлицата ќе го зголемите чувството на задоволство и
подобро ќе ги контролирате мускулите додека водите љубов. (Мускулите на
карлицата се оние кои ја контролираат матката и анусот, како и
мускулите на вагината) Секако, подобрата раздвиженост на
колковите и нозете, тоа ја зајакнува карлицата и колковите, ви дава
повеќе можности и избор додека водите љубов, како и поголема физичка
издржливост! Доколку водите љубов со елементи на гимнастика,
пилатес вежбите може да ви помогнат и да го спречат претераното
истегнување на мускулите и повредите.

Пилатес е техника на вежбање која настанала во дваесеттите години на
минатиот век. Тоа е микс на вежби за зајакнување и за еластичност на
телото.Со редовно вежбање на пилатес на своето тело му овозможувате:




- Издолжување и зацврстување на мускулите;

- Подобрување на дишењето;

- На телото ќе му ја вратите еластичноста ;

- „Подмачкување“ на зглобовите;

- Може да ја победите остеопорозата;

- Може да ви помогне полесно да ја поминете бременоста, а потоа лесно да ја вратите старата фигура;

- Ќе го ослободите телото од стресот и напнатоста;

- Ќе ги намалите или остраните симтомите на ПМС;


Татко на овој начин на вежбање е германецот Јозеф Х. Пилатес, кој боледувал од асма и бронхитис. Но имал голема желба и волја да направи нешто повеќе за своето здравје.

Јозеф измислил стотина вежби со кои ја подобрил својата здравствена состојба.
За време на Првата светска војна бил во логор каде набрзо почнал да ги
тренира затворениците, а како реквизити за вежбање ги користел
креветите кои ги прицврстил на ѕид.

После војната заминал во САД каде го отворил првото пилатес студио кое и ден
денес работи. Негови редовни клиенти му биле балерини, атлетичари,
гимнастичари и театарски актери.
Вежбите кои денес се користат во пилатес се надоградени и усовршени. За среќа
на бројните љубители на пилатес низ целиот свет, вежбите се едноставни
и прилагодливи кон секој, без разлика на полот, кондицијата и годините.