Големиот брат

Си гледам од време на време, интересно ми е ама онаа нашана е ужас... ма сите се заникаде

Леле кандидатите се ужас, па онаа нашана Вики
Не ни очекував да видам нормален некој таму

Баш пред некој ден гледав на ТВ во Турција имаше инцидент.
Некој бил "организатор" на ова шоу и затворил 20 турчинки во некоја куќа.
Ги снимал 24 часа, а смимките ги пуштал на нет.
Ништо од тоа не било законско и не било јавно.
Го фатиле

Светски популарното шоу „Големиот брат“ и во Македонија
Најпопуларното
реално шоу во светот „Големиот брат“, конечно, пристигнува и во
Македонија. Оваа славна и мошне гледана програма ќе почне да се емитува
на 21 септември од куќа во Белград, а за главната награда од сто илјади
евра ќе се натпреваруваат натпреварувачи од Македонија, Србија, Босна и
Херцеговина и од Црна Гора.
Шоуто ќе го емитува најсилната македонска ТВ-куќа „А1“, а, исто така, и ТВ „А2“.
Ова
ќе биде трет циклус на „Големиот брат“, кој ќе се одржува во Белград, а
во него за првпат ќе учествуваат и учесници од Македонија.
„Големиот
брат“ е замислено како шоу со дваесетмина одбрани натпреварувачи, кои
сто дена живеат во куќата борејќи се за награда од 100.000 евра. За
време на престојот во куќата никој од нив нема никаков контакт со
надворешниот свет. Тие живеат во целосна изолација. Во куќата нема
телефони, телевизори, радија, весници, интернет, дури ни книги. Не е
дозволено да се внесува што било би служело за комуникација или за
хоби. Дозволено е само да се внесе гардероба и средства за лична
хигиена. Големиот Брат, всушност, е лик што не постои, а само му се
слуша компјутерски глас. Тој на натпреварувачите им поставува дневни и
неделни задачи, а тие извршувајќи ги задачите заработуваат буџет со кој
купуваат храна и пијалак за опстанок во куќата.
Доколку успешно ја
решат дадената задача ќе имаат поголем буџет, доколку не, ќе
располагаат исклучително со основниот буџет, кој не дозволува никаков
луксуз.
Постојат два типа елиминации - едни од Големиот Брат и едни,
кои натпреварувачите ги прават меѓусебно. Еднаш неделно преку
елиминирачки номинации од куќата се исфрлаат по двајца натпреварувачи.
Номинациите главно се тајни, освен ако Големиот Брат не реши поинаку.
Тоа значи дека натпреварувачите се што има да кажат кажуваат во собата
за исповедување, каде што ги слуша само Големиот Брат. Најстрого е
забрането да се зборува за номинациите во куќата, или самите меѓусебно
да се договараат околу нив. Непочитување на ова или на друго правило
може да биде причина Големиот Брат да исфрли некого од куќата и така да
отпадне од натамошно натпреварување.
Двајцата или повеќето
натпреварувачи со најголем број елиминирачки номинации еднаш неделно се
изложени на гласање со СМС од страна на публиката од сите територии
каде се пренесува шоуто и тој што има најмногу гласови за испаѓање ја
напушта куќата.


Пред камери 24 часа


Се што се
случува во куќата се снима 24 часа дневно. Натпреварувачите не смеат да
се сокриваат од камери или да не носат микрофони. Насилство и каква
било дискриминација во куќата е најстрого забрането.
Шоуто ќе се
одвива во истата куќа во која се одржуваше музичкото реално шоу
„Операција триумф“, но просториите овој пат се изменети и реновирани.
Серијата
ќе почне на 21 септември, во Белград, до кога ќе се одржат сите
кастинзи во земјите од каде што ќе има учесници. А, дополнителни
информации може да се прочитаат и на официјалниот сајт њњњ.великибрат.рс



Аудицијата ќе се одржи на Скопски саем



Големата
аудиција, во која ќе бидат одбрани неколкуте натпреварувачи од
Македонија ќе се одржи в четврток, на 10 септември, на Скопски саем,
хала 3, службен влез, од девет часот наутро. Главен услов е пријавените
да бидат полнолетни.



„Големиот брат“ слуша се



Натпреварувачите
не можат да комуницираат со надворешниот свет, но можат со Големиот
Брат. Тие со него разговараат во специјална соба за исповедување. Со
Големиот Брат можат да комуницираат на негов повик или доколку самите
изразат желба.
Инаку, „Големиот брат“ е оригинален формат, кој го
осмисли Џон де Мол, основач на холандската продукциска куќа „Ендемол“.
Првиот циклус беше емитуван во 1999 година во Холандија, а потоа со
неверојатна брзина се прошири низ цел свет.
Продукциската куќа
„Емоушн“ ова шоу на територијата на Србија, Босна и Херцеговина и Црна
Гора за првпат го продуцираше во 2006 година. Досега се прикажани два
циклуса на „Големиот брат“ и три циклуса „Големиот брат ВИП“, со
познати учесници.

Превземено од Време